RADIO MALVA , salió a las calles de Valencia, a buscar PALABRAS y las encontró en la FERIA ALTERNATIVA 2010 , que todos los años ,a principios del mes de Junio se realiza en el cause del Rio (…)
Compostela, 17 de febreiro de 2008.
Masiva asistencia á manifestación contra a destrución do territorio.
Radio FilispiM, compilou os audios producidos polo portal www.vieiros.com no seguinte documento.
Unhas 10.000 persoas acudiron á convocatoria do movemento Galiza Non Se Vende para manifestarse contra a destrución do territorio. O acto encheu as rúas de Compostela e a Praza da Quintana na que se leu o comunicado final.Dende hai moitos anos non se lembraba en Compostela unha marcha tan multitudinaria como a de hoxe. O ano pasado, o mesmo movemento, denominado Rede Litoral vivo, logrou convocar a 4000 persoas baixo o lema “Galiza non se vende”. As reivindicacións tiveron como denominador común a defensa do territorio galego, ameazado por innumerabeis proxectos que, lonxe de procurar riqueza, esquilman os recursos naturais. Durante o traxecto, festivo e reivindicativo, os representantes de Burla Negra, paroriando aos membros do goberno, rebautizaron diversas rúas da cidade: rúa do doutor Tojeiro, rúa do Villar Mir, rúa do Bipartito… os asistentes procedían de toda Galiza. Das vilas mariñeiras sobre as que pende a ameaza das piscifactorias; do Courel; Lugo; Ferrol e Mugardos, sempre fieles á cita; Pontedeume; Ortigueira; o Ribeiro e un longo etcétera. Durante a lectura do manifesto houbo unha sentida homenaxe a Carmelo Teixeiro, recentemente fallecido e fundador do Comité de Emerxencia contra a planta de gas na ría de Ferrol.
